بە ڕاپۆرتی ئاژانسی هەواڵی مێهر، ناسر کەنعانی وتەبێژی وەزارەتی دەرەوە سەبارەت بە هەوڵەکانی ئێران لە کاردانەوە بە بڕیارنامەی ئەم دواییەی شۆرای حوکامی ئاژانسی نێودەوڵەتی وزەی ئەتۆمی ڕایگەیاند: پێشکەش کردنی بڕیارنامە بە کۆبوونەوەی ئەم دواییەی شۆرای حوکامی ئاژانسی نێودەوڵەتی وزری ئەتۆمی هەوڵی بوو کە بە ئامانجی سیاسی و بە مەبەستی بەرز کردنەوەی گوشارەکان لە سەر کۆماری ئیسلامی ئێران چووە ڕیزی بەرنامەکانی ئەمریکا و سێ وڵاتی ئەورووپییەوە.
وتەبێژی وەزارەتی دەرەوە زیادی کرد؛ دەرکردنی ئەو بڕیارنامە لە حاڵێکدا ئەنجام درا کە ئێران ڕوونترین بەرنامەی ئاشتیخوازانەی ناڤۆکیی لە چاو ڕێژەی دامەزراوە ژێر چاوەدێدییەکانی ئاژانس لە جیهان و زیاترین پسکنین و تاقی کردنەوەکانی هەبووە.
کەنعانی بە جەخت لەسەر ئەوەی کە کۆماری ئیسلامی ئێران پێشتریش سەبارەت بە لێکەوتەکانی ئەو هەوڵی ناژیرانە و ڕووخێنەرانەی لایەنی ڕۆژاوایی هۆشداریی دابوو، وتی بەداخەوە کەڵکوەرگرتن لە ڕێکخراوە نێودەوڵەتییەکان لە دژی گەلانی سەربەخۆ بووەتە ڕەوتێک لە سیاسەتی دەرەوەی ڕۆژاواییەکان.
ناوبراو زیادی کرد: لە وەڵام بە هەوڵی ئەم دواییەی سێ وڵاتی ئەورووپی و ئەمریکا بۆ پەسەند کردنی بڕیارنامە لە دژی ئێران ، لە یەکەم هەنگاودا چەند هەوڵ خراوەتە بەرنامەی ڕێکخراوی وزەی ئەتۆمی ئێرانەوە و جێبەجێ کردنیشی لە دوێنێ یەکشەممەوە بە ئامادەبوونی چاوەدێرانی ئاژانسی نێودەوڵەتی وزەی ئەتۆمی لە ناوەندە پیتاندنییەکانی ئەحمەدی ڕەوشەن(نەتەنز) و دکتۆر عەلیموحەمەدی(فردۆ) دەستی پێکرد.
Your Comment